Үйлчилгээний нөхцөл

Бяцхан нүүдэлчид нь сургуулийн өмнөх боловсролын байгууллагын хүүхэд, бүлэг, ирц, хоол, хөгжлийн үнэлгээ, харилцаа, санхүү, тайлан болон холбогдох үйл ажиллагааг цахимаар хөтлөх үйлчилгээ юм. Функцийн хүрээ нь хэрэглэгчийн эрх, байгууллагын сонгосон багц болон интеграцийн эрхээс хамаарна.

Хэрэглэгч нь 18 нас хүрсэн, эсхүл байгууллагын эрх бүхий ажилтан, хүүхдийн хууль ёсны төлөөлөгч байна. Байгууллагын нэрийн өмнөөс ашиглаж байгаа хүн зохих эрхтэй гэдгээ батална. Хүүхэд өөрөө үйлчилгээний гэрээ байгуулахгүй бөгөөд хүүхдийн мэдээллийг эрх бүхий насанд хүрсэн хэрэглэгч удирдана.

• Үнэн зөв, шинэчилсэн бүртгэлийн мэдээлэл ашиглана.
• Нууц үг, нэг удаагийн холбоос, session-оо бусдад дамжуулахгүй.
• Өөрийн эрхээс давсан мэдээлэл үзэх, засах, экспортлохыг оролдохгүй.
• Бүртгэл алдагдсан эсхүл сэжигтэй нэвтрэлт илэрвэл нэн даруй мэдэгдэнэ.

Эрхийг байгууллагын администратор ажил үүрэг, бүлэг, хүүхдийн хамаарлаар олгож, цуцална. Нэг бүртгэлийг хэд хэдэн хүн хамтран ашиглахыг хориглоно.

• Мэдээлэл цуглуулах хууль ёсны үндэслэл, шаардлагатай зөвшөөрлийг бүрдүүлэх.
• Хүүхэд, асран хамгаалагч, ажилтанд мэдээлэл боловсруулах нөхцөлийг танилцуулах.
• Бүртгэлийн үнэн зөв байдал, хэрэглэгчийн эрх, ажлаас гарсан хүний эрхийг цуцлах.
• Төхөөрөмж, сүлжээ, нууц үгийн зохистой хамгаалалтыг хангах.
• Буруу мэдээллийг хугацаанд нь засаж, шаардлагагүй файлыг устгах.

Дараах үйлдлийг хориглоно:

• хууль бус, төөрөгдүүлсэн, ялгаварлан гадуурхсан мэдээлэл оруулах;
• хүүхдийн мэдээллийг зөвшөөрөлгүй нийтлэх, хуулбарлах, дамжуулах;
• бусдын бүртгэл ашиглах, эрхийн хамгаалалт тойрох, нууц үг таах;
• хорт код, автомат халдлага, хэт ачаалал, өгөгдөл бөөнөөр татах ажиллагаа хийх;
• системийн эх код, хамгаалалт, дэд бүтцийг зөвшөөрөлгүй задлан шинжлэх;
• үйлчилгээг гуравдагч этгээдэд зөвшөөрөлгүй дахин худалдах.

ESIS болон бусад интеграцийг зөвхөн тухайн байгууллагад олгосон эрх, token, батлагдсан endpoint-ийн хүрээнд ашиглана. Гадаад системийн өгөгдөл, тасалдал, эрхийн өөрчлөлтийг тухайн үйлчилгээний нөхцөл давхар зохицуулна. Илгээхийн өмнө хэрэглэгч дэлгэцэд бэлтгэсэн утгыг шалгах үүрэгтэй; систем нь дотоод UUID-г ESIS-ийн албан ёсны дугаар гэж таахгүй.

Үнэ, төлбөрийн хугацаа, хэрэглэгчийн тоо, үйлчилгээний багц, нэмэлт ажил болон татварыг байгууллагатай байгуулсан гэрээгээр тогтооно. Төлбөр хоцорсон тохиолдолд гэрээнд заасан мэдэгдлийн дараа зарим боломж эсхүл нэвтрэх эрхийг түр хязгаарлаж болно. Хуульд заасан тайлан, өгөгдөл авах эрхийг үндэслэлгүйгээр хаахгүй.

Үйлчилгээг тогтвортой ажиллуулах, нөөцлөх, аюулгүй байдлыг хамгаалах зохистой арга хэмжээ авна. Төлөвлөгөөт засвар, аюулгүй байдлын шинэчлэл, интернет, цахилгаан, гуравдагч үйлчилгээний тасалдлаас түр саатал гарч болно. Боломжтой тохиолдолд төлөвлөгөөт ажлыг урьдчилан мэдэгдэнэ.

Системийн тайлан, сануулга, хөгжлийн үзүүлэлт нь эрх бүхий ажилтны шийдвэрийг дэмжих хэрэгсэл бөгөөд эмнэлгийн онош, хууль зүйн дүгнэлт, санхүүгийн аудитын эцсийн дүгнэлтийг орлохгүй. Албан ёсны илгээлт, тайлангийн үнэн зөвийг илгээх эрхтэй хэрэглэгч хянана.

Системийн программ, дизайн, таних тэмдэг, баримт бичгийн эрх үйлчилгээ үзүүлэгчид эсхүл зохих эрх эзэмшигчид хадгалагдана. Байгууллага өөрийн оруулсан өгөгдлийн эрхээ хадгалж, үйлчилгээ үзүүлэхэд шаардлагатай хэмжээнд боловсруулах хязгаарлагдмал эрх олгоно.

Хууль бус хэрэглээ, мэдээллийн аюулгүй байдлын бодит эрсдэл, төлбөрийн ноцтой зөрчил, бусдын эрхэд хохирол учруулах нөхцөлд хандалтыг түр түдгэлзүүлж болно. Боломжтой бол шалтгаан, сэргээх нөхцөлийг байгууллагад мэдэгдэнэ. Гэрээ дуусахад байгууллагад өгөгдлөө тохирсон форматаар авах хугацаа олгож, Нууцлалын бодлого болон гэрээний дагуу устгана.

Тал бүр өөрийн буруутай үйлдэл, эрхийн буруу тохиргоо, хууль бус мэдээлэл ашиглалт, нууц үгийн хамгаалалт, гэрээгээр хүлээсэн үүргээ хариуцна. Хариуцлага, нөхөн төлбөрийн нарийвчилсан нөхцөлийг байгууллагын гэрээ болон Монгол Улсын хууль тогтоомжоор тодорхойлно.

Нөхцөлийн материаллаг өөрчлөлтийг шинэ огноотой нийтэлж, шаардлагатай бол байгууллагад мэдэгдэнэ. Маргааныг эхлээд хэлэлцээ, хэрэглэгчийн дэмжлэгээр шийдвэрлэхийг эрмэлзэнэ; шийдвэрлээгүй асуудлыг Монгол Улсын хууль тогтоомжийн дагуу шийдвэрлэнэ.

Асуудал, санал, эрхийн хүсэлтийг Nomadkidsmn@gmail.com хаягаар илгээнэ.